TVB視后學生裝零違和!自揭秘史折短校裙曳曳

蔡思貝學生Look零違和自揭秘史折短校裙曳曳

蔡思貝以學生Look拍攝新劇,一身國中生打扮的她,少女味滿瀉!對于早前有助導在網上爆料,暗指許俊豪戲屎,思貝代為平反,贊他主動又有Heart。

視后蔡思貝昨日在油麻地一間中藥鋪為TVB新劇《你好,我的大夫》取景,劇中她是一名有經驗的中醫師,昨日卻搖身一變化身學生妹,毫無違和感。

今次是她拍劇以來首度以學生Look示人,她坦言已超過10年冇著校服。

她說:「以前我都有戴呢啲圓形眼鏡,好鍾意扎‘春麗頭’,每日返學都扎2個髻,嗰陣都會曳曳,將校裙折短,對襪又拉到好靚。」

她又自爆讀書時的花名是「羊肉生菜」,笑說:「因為我屬羊同埋姓蔡嘛!」

思貝表示與新劇拍檔何廣沛、陳嘉慧、游嘉欣等未合作過,大家拍得很開心,每日都笑不停。

談到之前的作品都有動作戲,比較辛苦,她說:「呢套都唔系好舒服,因為我個角色唔開心,好多枷鎖,情緒較低沉,而且我喺劇入面系有10年經驗嘅中醫,經常要好流暢咁講病例,所以演起上嚟要比較成熟同Cool。」

維護拍檔許俊豪

此外,早前有無綫助導在網上爆料,指一名男歌手拍此劇時「戲屎」常NG,又贊思貝熱情冇架子,網民紛紛猜測該男演員是前天堂鳥成員許俊豪。

但思貝為他平反,贊他主動又有Heart:「我同佢最多戲,佢飾演大我10年嘅師兄,之前未有佢戲份時,佢都會入廠同我傾劇本,系好用心嘅演員。(贊你熱情喎!)多謝,開工最緊要大家開心。」


用戶評論