《十八年2.0》大結局,陳山聰變身性感「粉紅女郎」?網友睇好佢攞「視后」

《十八年后的終極告白2.0》

要迎來大結局啦!

雖然從評分嚟睇,

2.0版本似乎略遜于前作,

不過全員惡人的帶感設定,

暗黑風格的反轉劇情,

依然吸引唔少觀眾追睇。

開播冇耐

「視帝」譚俊彥就出盡法寶搏收視,

演技方面繼續「發揮穩定的優勢」。

半永久的「哀怨眼神」

幾乎貫穿全劇,

哪怕戲中「撩遍」所有女仔,

表面都能保持毫無波瀾,

也係某種意義上嘅「天賦異稟」嘅

不過!去到劇集尾聲,

譚生似乎終于遇到咗

自己嘅「最佳CP」:

陳山聰扮演嘅女裝Jason

原來山聰在劇中的角色

一直都有易服癖,

前晚播出的18集中,

女裝上陣的他hold住咗妖艷妝容,

仲將嗰份嫵媚氣質演得入型入格

睇落竟然完全冇違和感!

唔少觀眾都話

狠狠地被「驚艷」了!

仲有網友話

女裝山聰同姚嘉妮撞樣,

唔知你覺得似唔似啦~

奮身演出嘅山聰

成功帶到譚生「入戲」,

唔少觀眾都話

睇到咗兩人嘅CP感

其實除咗「女裝」呢段,

陳山聰喺劇中的表現

一直都可圈可點,

特別係眼神戲超有代入感。

今年可謂係山聰大爆發嘅一年,

被壓多時嘅《鐵拳英雄》

在今年年初

終于得以同觀眾見面,

打戲拳拳到肉超型格!

4月播出的《金宵大廈2》

山聰一人分飾兩角

keep住人氣大增。

今次《十八年2.0》中嘅山聰

令觀眾睇到佢嘅戲路

可以有更多可能性,

相信人氣會更上一層樓。

而他有份主演的《超能使者》

預計會在下半年播出,

曝光率如此高,

就有人猜測

TVB係咪幫佢鋪好咗「紅地氈」,

力推佢攞今年嘅「視帝」?

well~

除咗睇好佢攞「視帝」,

唔少網友仲力撐佢攞埋「視后」,

去角逐下

「最受歡迎電視女角色」~


用戶評論